Simmer yn Fryslân yn Wommels

Dizze simmer sil Omrop Fryslân op roadtrip nei al it moais fan Fryslân. En op 23 july komme sy ek yn Wommels om ‘e hoeke sjen en de sfear opsnuven.

Yn it programma ‘Simmer yn Fryslân’ makket de omrop in acht wiken lange toer troch ús provinsje. Sy strike del yn ferskate doarpen en stêden yn Fryslân en besykje dy plakken te sjen troch de eagen fan de bewenners. Want, wat bart der yn de simmer? Is it dit jier in bysûndere simmer? En wat fine de minsken fan har eigen doarp of wyk?

Oerdei is it programma te folgjen fia radio, mei ferskate bydragen yn alle programma’s.

Jûns om 17.15 oere, en dêrnei om ‘e healoere, is Simmer yn Fryslân mei it doarp fan de dei op telefyzje te sjen. Alle útstjoeringen binne hjir werom te sjen.